Samstaða - bandalag grasrótarhópa

Göngum til Lýðræðis ! Frystum eignir auðmanna!

Heil og sæl! Frá því í byrjun október hafa allir sigrar, stórir sem smáir skilað sér til fólksins. Hver ganga, hver sláttur, hvert orð og hver athöfn hefur alltaf alltaf - skilað árangri.Alltaf gerist eitthvað, einhver springur á limminu, einhver segir af sér, einhver kjaftar af sér, einhver sendir rangt sms, einhverjar upplýsingar leka, einhver svindlar, einhver - einhver gerir eitthvað af sér í panik því potturinn bullsýður og lokið tollir ekki ofan á. Við erum aðhaldið sem stjórnvöld þurfa og við erum ekki að fara neitt. Þess vegna höldum við áfram, göngum, tölum, skrifum og syngjum, trommum og látum í okkur heyra. Þannig og aðeins þannig skilja ráðamenn þessa lands að við erum vakandi, við fylgjumst með hverju orði, hverri aðgerð og hverjum mistökum sem þeir gera. Okkur kemur allt við, allt skal upp á borðið og réttlætið skal sigra að lokum. Stjórnvöld hlusta núna, þau mæta á borgarafundi, þau hlusta og þau vita að þau leika ekki lengur lausum hala. Það er game over. Fólkið er vaknað og fólkið er valdið. Ef við krefjumst einhvers þá ber okkur að koma þeim kröfum alla leið til þeirra sem fyrir okkur starfa. Þeir hlusta bara þegar þeir sjá verkin tala, fólkið þjappa sér saman með kröfurnar á lofti og tilbúið til að ganga í hvaða veðri, hvaða dag sem er, hvenær sem dagsins er sem er, þrömmum og þrömmum alla leið fram að kosningum og fram yfir kosningar. Við erum vöknuð for good! Við erum valdið og við krefjumst réttlætis. Friðsamleg en ákveðin göngum við áfram í átt til lýðræðis. Við höfum náð langt á aðeins tæpum 5 mánuðum og við erum komin til að vera. Ef samtakamátturinn og slátturinn sofna - er hætta á ferð, munum það! Nú krefjumst við frystingu á eignum auðmanna - tafarlaust! Mætum því öll - fólkið er aflið og samstaða er afl sem ekkert fær staðist! Hlemmur klukkan 14:00 á morgun laugardag 28.2.09

Sigurlaug Ragnarsdóttir (Óskráður, IP-tala skráð), fös. 27. feb. 2009